Спадчына (1922)/III/Куды не ўцякаю

← Думка

Куды не ўцякаю Верш Аўтар: Янка Купала 1922 год

Я казак — не казак… →

Іншыя публікацыі гэтага твора: Куды ні ўцякаю…

Прапануем да спампаваньня!

КУДЫ НЕ ЎЦЯКАЮ…

Куды не ўцякаю
Ад долі сваей,
Усюды спаткаю—
Раней, ці пазьней.

Надзеі ўсе скруціць,
Засьвішча бядой,
І сэрца засмуціць,
І ліне сьлязой.

Магільную песьню
Ў душы запяе,
Нашле нуды плесьню
На думкі мае.

І б’юся-ж напрасна,
Як рыба аб лёд,
Ад долі няшчаснай
Няма мне варот!

1906 г.