Зоркі

З пляцоўкі Вікікрыніцы
Jump to navigation Jump to search
Зоркі
Верш
Аўтар: Янка Купала
1911
Крыніца: http://rv-blr.com/literature/2743#24823


Ночкай, як толькі выходзіў я з хаты,
Зоркі на небе страчаў я чатыры;
Кожны раз зводзіў іх вогнік крылаты,
Хоць к ім з малітвай узносіўся шчырай.

Першая — бацькава зорка ясьнела,
Маткі — другая глядзела ў сьвет горка,
Трэцяя мне мігацела нясьмела,
Роднай зямелькі — чацьвертая зорка.

Першая згасла навекі не ў часе,
Звольна губляе бліск свой другая,
Трэцяя сумнаю мглой спавілася,
Толькі чацьвертая лепей міргае.

(1911)

Глядзіце таксама[правіць]