Збор твораў (Купала, 1925—1932)/VI/III/Ці ты знаеш старонку?

← Нядзеля

Ці ты знаеш старонку? Верш Аўтар: Язэп Крашэўскі 1932 год Арыгінальная назва: Znasz-li ten kraj… Пераклад: Янка Купала

Іншыя публікацыі гэтага твора: Ці ты знаеш старонку?

Прапануем да спампаваньня!

ЦІ ТЫ ЗНАЕШ СТАРОНКУ?

З польскага

Ці ты знаеш старонку,
Край магілаў, курганаў,
Дзе па небе ў дагонку
Ходзяць хмары, туманы;

Дзе крывёю, сьлязамі
Рэчка рэчаньку гоніць;
Поле ўкрыта касьцямі,
Лес магільна гамоніць?

Край бяды, край напасьцяй
Вабіць люд свой бадзячы;
Ён мілей нам ад шчасьця,
Мы з ім, ён з намі плача.

Менск, 5/III-19 г.

---