Збор твораў (Купала, 1925—1932)/V/VI/Песьня

← Праступнік

Песьня Верш Аўтар: Янка Купала 1928 год

Янка Канцавы →

Іншыя публікацыі гэтага твора: Песьня (Гнаны Янка доляй…).

Прапануем да спампаваньня!

ПЕСЬНЯ

Гнаны Янка доляй,
Змушаны патрэбай
Цягне ў места дровы,
Каб купіці хлеба.

А дзе кісьне пуня
Панская старая,
Прэцца Янукова
Жонка маладая.

П‘е мужык на рынку
Барышы за дровы,
А паніч гуляе
З жонкай мужыковай.

Накупіў за дровы
Янка хлеба, солі
І вясло баранкаў
Для сваёй Антолі.

І гасьцінцам дома
Жонку ён частуе,
Паніча з палацу
У руку цалуе.

---