Збор твораў (Купала, 1925—1932)/II/Наша вёска/Ці-ж гэта многа?!

← Хто ты гэткі?

Ці-ж гэта многа?! Верш Аўтар: Янка Купала 1926 год

⁂ (Праз што плачаш, мужычок?..) →

Іншыя публікацыі гэтага твора: Ці ж гэта многа?!

Прапануем да спампаваньня!

ЦІ-Ж ГЭТА МНОГА?!

Ад сьвету, ад бога
Жадаю нямнога! —

Зямелькі з валоку,
К ёй шнур неўдалёку,
З сьвятлічкай хацінку,
За жонку дзяўчынку,
Кусок салца к хлебу,
Рубля на патрэбу,
Здароўя чым болей,
Крыху долі, волі —

І ўсё! больш нічога…
Ну, ці-ж гэта многа?!.

---