Збор твораў (Купала, 1925—1932)/II/Бацькаўшчыне/За свабоду сваю…

За свабоду сваю…
Верш
Аўтар: Янка Купала
1926 год

Іншыя публікацыі гэтага твора: За свабоду сваю…

Прапануем да спампаваньня!

ЗА СВАБОДУ СВАЮ…

За свабоду сваю
Ўсёй душой пастаю;
У вагонь, у ваду
Я за ёю пайду.

Лепей сам сябе дам
Пахаваці людзям,
Як свабоду хаваць,
Злыбядзе аддаваць.

Ў сэрцы, ў думках сваіх
З самых лет маладых
Я яе ўзгадаваў
І сваёю назваў…

Гэй ты, гэй, вецер, пей
А свабодзе маей!
Гэй ты, гэй, бор, шумі,
А свабодзе грымі!

Гэй ты, сонца, гары
Ад зары да зары,
Ланцугі распалі
Па ўсёй чыста зямлі!..