Збор твораў (Купала, 1925—1932)/II/Бацькаўшчыне/Гора нядольнае

← Дзе ты, шчасьце маё?..

⁂ (Гора нядольнае) Верш Аўтар: Янка Купала 1926 год

У чужой старане →

Іншыя публікацыі гэтага твора: Легла на сэрцы гора нядольнае…

Прапануем да спампаваньня!

∗
∗       ∗

Легла на сэрцы гора нядольнае,
Легла і мучыць, гняце,
Ў думках замёрла жальба нявольная,
Боль неспажыты цьвіце.

Дзе я ні кінуся, з песьняй ні вылету, —
Выхаду, сьцежкі няма…
Лёдам гасьцінец мой выбіты, выліты, —
Лёд — як магіла сама.

1907 г.

---