Збор твораў (Купала, 1925—1932)/I/Жалейка/Можна…

← З песень а бітвах

Можна… Верш Аўтар: Янка Купала 1925 год

⁂ (Я відзеў…) →

Іншыя публікацыі гэтага твора: Можна…

Прапануем да спампаваньня!

МОЖНА…

Можна хатку убраць тынкаваньнямі з плесьні,
Можа віхар нядоляй заенчыць над ей;
Можна пець салаўіныя шумныя песьні,
Што шчасьлівы ўвесь сьвет, няма гора ў людзей.

Можна сьвет упрыгожыць у кроў і пажары,
Можа гром загрымець і паслаць пяруны,
Могуць гінуць нявінныя ў бітвах ахвяры,
Можна слабым, нязбройным надзець кайданы.

Але ёсьць-жа вялікая праўда на сьвеце, —
Праўда, сілаю роўная сонца агням, —
Цяпер сьпіць, але ўстане і бляск свой расквеціць,
За сваё паніжэньне адплаціць людзям.

---