Збор твораў (Купала, 1925—1932)/I/Гусьляр/Лета

← Вясеньняя раніца

Лета Верш Аўтар: Янка Купала 1925 год

Пятровы час →

Іншыя публікацыі гэтага твора: Лета (Лета ты, лета прыгожа-квяцістае…).

Прапануем да спампаваньня!

ЛЕТА

Лета ты, лета прыгожа-квяцістае,
Колькі ты ўносіш аздобы з сабой!
Цягнуцца стройна шнуры каласістыя,
Пахне павабна трава над ракой.

Гнуцца на лузе касцы немарудныя,
Дзе-ні-дзе ў постаці серп заскакаў;
Песьня пачулася наская, нудная, —
Рэха панеслася — бор адказаў.

Шум пакаціўся ад лесу адзетага;
Сонца купаецца ў полыску рос;
Эх! каб, здаецца, ды шчасьце да гэтага!
Эх, каб, здаецца, менш гора і сьлёз!..

---