Збор твораў (Колас, 1928—1929)/I/2/VI/Констытуцыя

← Малебен

Констытуцыя Верш Аўтар: Якуб Колас 1928 год

„Асадзі назад“ →

Іншыя публікацыі гэтага твора: Канстытуцыя (Колас).

Прапануем да спампаваньня!

КОНСТЫТУЦЫЯ

Констытуцыю далі,
Адчынілі дзьверы
І… ў астрог нас павялі
І таўкуць бяз меры.

Вітта нам дакляраваў —
Помніце? — свабоду.
Потым хвігу паказаў
„Вернаму“ народу.

Зашумелі аб зямлі
Ў Думе дэпутаты,
Дык па карку ім далі
І пашлі да хаты.

Архірэй наш Міхал
Тураўскі і Мінскі
Чорнай сотні толькі міл,
Бо робіць па сьвінскі.

Ганчакамі па Русі
Прыставы лятаюць,
Нас скуюць — кусі, кусі!
Як зайцоў страляюць.

Разьвялося стражнікоў,
Як якой жывёлы,
Ад іх плешак і шнуроў
Чырванеюсь сёлы.

Колькі ўсякіх строгіх мер —
Канца няма краю!
Констытуцыю цяпер,
Як пяць пальцаў, знаем.

1908 г.