Збор твораў (Колас, 1928—1929)/I/2/IV/Толькі стогне зямля

← Нягода

Толькі стогне зямля Верш Аўтар: Якуб Колас 1928 год

Сябром →

Іншыя публікацыі гэтага твора: Толькі стогне зямля…

Прапануем да спампаваньня!

∗
∗     ∗

Толькі стогне зямля,
Толькі вецер шуміць.
Ў нашым бедным краі
Ўсюды ночка ляжыць.

Што-ж? сьцяліся, туман,
Покі восень стаіць:
Восень сьвята тваё,
Усюды цемень ляжыць.

Не маўчы-ж ты, сава,
Ў цёмным лесе гукай.
Ведай: ночка — ня год,
Заварушыцца гай…