Збор твораў (Гартны, 1929—1932)/1/Урачыстасьць жыцьця/Адвячорак

Адвячорак
Верш
Аўтар: Цішка Гартны
1930 год

Іншыя публікацыі гэтага твора: Адвячорак (Гартны).

Прапануем да спампаваньня!

АДВЯЧОРАК

Над гаем відна
Чырвоная хмарка адна,
Як тая сьцяжына
На сіняй даліне…
Сьпеў пташак замоўк
І ціха наўкола.
Над поплаўным долам
Высокае неба, як шоўк,
Ад гаю да гаю лажыцца.
На небе зарніца
Разьвіста мігціцца,
Сьвятла раскідаючы восьці…
Зямлі яна першая госьця!
У белым тумане
Вабраныя ланы
Вакол серабрацца.
Расінкі на прам‘і іскрацца,
Як пэрлы ў каронцы…
Бяз сонца, а з сонцам?..

Смаленск, 1920