Збор твораў (Бядуля, 1937)/V/Сакавік

← Буду піць пахучы смутак змрокаў

Сакавік Верш Аўтар: Змітрок Бядуля 1937 год

*** Хвалі гралі стаямі →

Іншыя публікацыі гэтага твора: Сакавік (Бядуля).

Прапануем да спампаваньня!

САКАВІК

Вясновым глянцам замільгалі дні.
Іх сакавік паіў пітвом блакітным.
А сонца мёд ліло каўшом уніз —
Гарачым мёдам даль была абліта.

Вясновым кветам расквітнелі дні.
Іх сакавік аздобіў горнай краскай.
Вятры цяснін пагаслі, як агні.
А мора млела бірузовай казкай.

Вясновай песняй заспявалі дні.
Іх сакавік напоўніў гучным граннем.
Птушыны клік з высотаў падаў ніц —
Зямля звінела звонам з рання ў ранне.

На алеандрах захмялелі дні,
На маладзік памаладзелі ночы.
І красавалі нават пні.
Палала кроў. Палалі вочы.

Гагры, 15/II 1926 г.