Збор твораў (Бядуля, 1937)/IV/Пятая гадавіна Кастрычніка

← *** З палаючых квятаў-агнішчаў

Пятая гадавіна Кастрычніка Верш Аўтар: Змітрок Бядуля 1937 год

Араты →

Іншыя публікацыі гэтага твора: Пятая гадавіна Кастрычніка.

Прапануем да спампаваньня!

ПЯТАЯ ГАДАВІНА КАСТРЫЧНІКА

Поўдзесятка летаў,
Поўдзесятка зім
Вулканамі гараць
На рубяжах двух светаў,
І плыве ў хаціны
Пераможны гімн,
Нябёсамі для нас
Знамёны з мака-цветаў.

Проціў нас паўсталі
Ворагаў палкі. —
Мы чысцілі іх след
Вяхоткаю сталёвай.
Хвілямі і днямі
Ідзем мы праз вякі, —
Мы ў будучыню йдзем
Насустрач долі новай.

Менск, 1922 г.