Збор твораў (Бядуля, 1937)/IV/Воля (Трупы ляжалі, як горы…)

← Араты

Воля Верш Аўтар: Змітрок Бядуля 1937 год

Маладой гвардыі →

Іншыя публікацыі гэтага твора: Воля (Трупы ляжалі, як горы…).

Прапануем да спампаваньня!

ВОЛЯ

Трупы ляжалі, як горы.
Стогны плылі на прасторы.

Воўкам агнёвым пажары
Вылі на нашых абшарах.

Над папялішчамі смела
Воля на крыллях ляцела;

Горнай арліхаю славы
Ляцела яна над дубравай;

Волатам юным у зброях
Дух падымала у боях;

Коннікам ранняй зарою
Вабіла вока людское;

Бурай-віхорам над глебай
Спеў падымала да неба;

З хваль выплывала агніцай;
З неба свяціла зарніцай;

Бедных надзеяй карміла,
Люд у бядзе весяліла;

Клікала ў бой на змаганне,
Клікала з рання да рання.

Гімнам варожыла сэрцы:
„Смела! Не бойцеся смерці!“

1922 г.