Заранкі (1924)/Паляці, вецер…

← ⁂ (Я спаткалась з табой…)

Паляці, вецер… Верш Аўтар: Янка Журба 1924 год

У сонечных праменьнях →

Прапануем да спампаваньня!

ПАЛЯЦІ, ВЕЦЕР…

Паляці ты, вецер,
Аж да Беларусі,
Занясі ты вестку
Міленькай Карусі.
Раскажы, як горка
Без яе мне жыці,
Раскажы, як цяжка
Сумаваць тужыці.
Кожны дзень і ночку
Думаю, журуся.
Калі-ж на твой вобраз
Зноў я нагляджуся?!..
Паляці-ж ты, вецер,
Аж да Беларусі,
Занясі ты вестку
Міленькай Карусі!