Завіруха (1929)/Кліч званоў

З пляцоўкі Вікікрыніцы
Вокліч мой Кліч званоў
Верш
Аўтар: Міхась Чарот
1929 год
Званар
Іншыя публікацыі гэтага твора: Кліч званоў.

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




КЛІЧ ЗВАНОЎ

Ноч чорная хаваецца
І гіне сон…
Чуць раніца ўглядаецца,
Я чую звон…

Гудуць званы мядзяныя
На цэлы сьвет…
І чуюць сэрцы йржавыя —
Іх чэзьне сьлед.

На кліч званоў грамадамі
Да працы йдуць.
Ўсе, як адзін, з прыладамі —
Жыцьцё куюць.

Ўсе б‘юць ў званы… змагаюцца…
Каваль, ратай…
І рэха разьлятаецца
Ад краю ў край.

На кліч іх заклікаючы
Ідзе народ,
Дзе сонцам незгасаючым
Гарыць усход!..

26-I 1921 г.