|
Wieś swiet każyć, bjeć u zwona:
„Durny mużyk jak warona“
Heta tyki sprawiedliwa:
Jon durniejszy ad warony,
I nia dziwa — byłob dziwa,
Kab mużyk, dy byŭ uczony.
Dyk kryczycież, bijcie ŭ zwona:
Durny mużyk, jak warona.
Da nawuki jon nia braŭsia,
Zakasiŭsia, zaaraŭsia;
Durniam umre, jak radziŭsia,
Sam saboj durnym zrabiŭsia.
Wiedama, mużyk, chamuła, —
Ad nauki adwiarnuła!
Dyk kryczycież…. (bis).
Ciż nia dureń, mużyk heta:
Hare, sieje usio leta,
A jak prydutca dażynki,
Niama zboża ni aśminki,
A dażdaŭszy na kalady,
Mużyki miakince rady.
Dyk…. (bis).
Usiu zimu wozam ciahnie
Da wakzału różne zboże,
Nohi zmierznuć, sam zaśmiahnie,
A na chleb każuch założe,
Kab dażyć jak da krapiwy,
Aby ŭ pole wyjszaŭ żywy.
Dyk…. (bis).
Ad Piatra i da Jakuba,
Jon kasoj machaŭ ad rania:
Nakłaŭ stahoŭ ludziam — luba
U chacież siena, ani zwania,
Rawieć z hołodu skacina,
Choć kiń, biaży za waczyma!
Dyk…. (bis).
Hladzi, kaścioł aż da nieba,
Wołaść blachami pakryta!
Srebram skryje, kali treba,
Bo za heta jaho bita,
A sam żywieć w mokraj jamie,
Dzwiery zatknuŭ anuczami!
Dyk…. (bis).
Z kamarowy nos siakierku
Sciśnie, kreknie, zamachaje, —
Zrobie puszczu, jak talerku,
Swiet drywami zakidaje!
A u chacie, — zwaryć strawu,
Paszczapaje staru ławu!
Dyk…. (bis).
Hladzi! hory parazryty,
A czuhunkaj swiet abwity:
Usio z mużyckaj ciażkaj pracy,
Usie jeduć u pałacy;
U mużykaż niama bileta!
Ciż nia dureń muzyk heta?
Dyk…. (bis).
|
Прапануем да спампаваньня!