Дні вясны (1927)/Кветкі красы/Сёньня вочы свае праглядзеў…

⁂ (Сёньня вочы свае праглядзеў…)
Верш
Аўтар: Язэп Пушча
1927 год

⁂ (Смутак сьлязой адцьвітае на скронях…) →

Прапануем да спампаваньня!

∗
∗ ∗

Сёньня
вочы свае праглядзеў…
Хараство,
прыгажосьць
у палёх.
Расьцьвітае
там сонечны дзень
і туман
над далінай ня лёг.
А помню,
мяне ён пужаў:
здавалася,
зданьні
выходзяць з яго.
Ўсю істоту
ахопліваў жах, —
уцякаў
у дуброву бягом,
І адтуль галасіў:
ня пужай,
не заві, —
ў тваёй шэрані
скрухі падзол.
Над мінулым
залом я завіў,
мне ня страшна
сьцюдзёная золь!

13/IV — 26 г.