Дні вясны (1927)/Кветкі красы/Оркестры

← Панская навала

Оркестры Верш Аўтар: Язэп Пушча 1927 год

Рабіндранат Тагору →

Прапануем да спампаваньня!

ОРКЕСТРЫ

Оркестры, будучнасьць страчайце маршамі!
Я дзень сягоньнешні аддам за заўтрашні.

Напевы з гімнамі — стыхійнай вечнасьці, —
мой дух, маё чало красой уквечаны.

Каменьне дзікае сьлязою точыцца,
З крыніц зямлі вада жывая сочыцца.

Умыйся ёй, мой брат-юнак зьнявераны, —
прадоньне вечнасьці людзьмі нязьмерана.

Оркестры, будучнасьць страчайце маршамі!
Я дзень сягоньнешні аддам за заўтрашні.

29-VII — 26 г.