Дні вясны (1927)/Кветкі красы/Любыя, мілыя ліпы…

← ⁂ (Ой за лугам, лесам разьвясёлая зара…)

⁂ (Любыя, мілыя ліпы…) Верш Аўтар: Язэп Пушча 1927 год

⁂ (Ой ты, краса палёў далёкіх…) →

Прапануем да спампаваньня!

∗
∗     ∗

Любыя, мілыя ліпы —
радасьць квяцістых нізін!
Кволіцца ласкавы ліпень,
шумы калосяць азім.

Дні загарэлага лета, —
сочыцца сонца з суніц.
Далі апырсканы цьветам,
далі схіліліся ніц.

Цісну лістоў я далоні;
золата сыплюць аўсы.
Ласкі даліны зялёнай,
ласкі таемнай красы!

16-VII — 26 г.