Дні вясны (1927)/Залатое пахмельле/Дзьвярэй больш рука не адчыніць…

⁂ (Дзьвярэй больш рука не адчыніць…)
Верш
Аўтар: Язэп Пушча
1927 год

Прапануем да спампаваньня!

∗
∗ ∗

Дзьвярэй
больш рука не адчыніць.
і ня ўступіць нага на парог.

Не паверу
ніколі дзяўчыне,
як і ветру з завейных дарог.
Не паверу
у словы ад болю, —
хоць і змочаны ў смутку сьлязьмі.

Узьвіюцца
вятры хай над доляй,
усьміхнецца любоўна і ім.

12-VI — 26 г.