Да працы!

З пляцоўкі Вікікрыніцы
Jump to navigation Jump to search
Да працы!
Верш
Аўтар: Якуб Колас
Крыніца: http://yakubkolas.ru/category/vershy


Браты! Вялікая дарога
Чакае нас і родны край —
Жніво настала, працы многа, —
Навукі семя засявай!

Святло нясіце — ў мроку дрэмле
Наш мілы край, наш родны кут.
Хай уваскрэснуць нашы землі,
Няхай асветліцца наш люд.

Хай будзе спор нам у прыгодзе!
Не царскі біч, не панскі хам,
Хай будзе лад ў сваёй гасподзе
Ствараць народ-уладца сам.

(1917)