Гусьляр (1910)/Za hodam hod

← Źniamoha

Za hodam hod Верш Аўтар: Янка Купала 1910 год

* * * (Jak waźmu żalejku ŭ ruki) →

Іншыя публікацыі гэтага твора: За годам год.

Прапануем да спампаваньня!

Za hodam hod.

Za hodam hod, za rodam rod,
Što chwali chmar, što pleśni wod,
Pa źmienach źmien, na ŭschod na schod
Za rodam rod, za hodam hod.

Na ŭschod, na schod idzie-brydzie
U čarach-snach, u złybiadzie…
Kanca ni ŭ čom, kanca nidzie,
Na úschod, na schod, brydzie-idzie.

Za bytam byt, za stonam ston,
Za śmiecham śmiech, za skonam skon,
Za wiekam wiek, za zwonam zwon,
Za mhłoju mhła s-usich staron.

Idzie-brydzie za śledam śled,
I noč, i dzień, i ćma, i świet,
I pieśni klič, i śmierci ćwiet,
Idzie-brydzie za śledam śled.

Za hodam hod, za rodam rod,
Što chwali chmar, što pleśni wod,
Pa źmienach źmien, na ŭschod na schod
Idzie-brydzie na byt, na zwod…

---