Гусьляр (1910)/Prywitańnie

Prywitańnie
Верш
Аўтар: Янка Купала
1910 год

Іншыя публікацыі гэтага твора: Прывітаньне (Купала).

Прапануем да спампаваньня!

Prywitańnie.

Znoŭ ja z wami, sa swajimi,
Miłyje sielanie!
Budziem razam spatykaci
Nočku i świtańnie.

Staniem razam u paradak
S płuham na papary
Spolna skibinu waročać,
Nażywać zahary.

Nad rabotaj nieprydumnaj
Wiaskowaj pakory
Buduć zdala bajić bajki
Chwojki, jasakory.

Skiba ŭ skibu, honi ŭ honi
Wyścielem na dziwa;
Laże ziernie, ŭzojdzie kolas,
Uzrastaj ščaśliwa!

Za płuhami za swajimi
Na prastory Bożym
Čystym sercem, wolnaj dumkaj
Pieśniu-kazku złożym.

Pojdzie pławam pieśnia-kazka
Ŭ świet ab našaj sławie,
Dziwu dasca świet wialiki
Hetakaj prajawie.

Chaj świet znaje, što patrapie
Biez čużych prymusaŭ
Biełarusa praca, siła,
Serce biełarusa.