Гусьляр (1910)/Pa zimowaj pa darożce (pieśnia)

← Hołub i dziaciuk

Pa zimowaj pa darożce (pieśnia) Верш Аўтар: Янка Купала 1910 год

Nie żalejka jhraje →

Іншыя публікацыі гэтага твора: Песьня (Па зімовай па дарожцы…).

Прапануем да спампаваньня!

Pieśnia.

Pa zimowaj pa darożce
Mużyčok brydzie;
Duch zajmajecca ad wietru,
Śniech badzie, badzie.

Ej, nia honie ščasnych dola
Z pad chatniaj strachi
Na takuju niepahodu,
Na choład taki!

Doł kapaci na mahiłki
Biedačok śpiašyć:
Doma strašnuju mieŭ hościu, —
Niaboščyk lazyć.

Kala biełaj damawiny
Apošniuju daŭ
Dzietki daruć i hałosiuć:
«Mama, mama, ŭstań!»

Piać jich biednych małaletak,
Siracinak, piać;
Chto-ż zamienie jim matulu?
Chto budzie chawać?

Chto ad mačychi jich budzie
Baranić błahoj?
Chto sirotak pażaleje?
Skaży, Boże moj!

---