Гусьляр (1910)/K swajim dumkam

З пляцоўкі Вікікрыніцы
Maje dumki K swajim dumkam
Верш
Аўтар: Янка Купала
1910 год
Z dumak markotnych
Іншыя публікацыі гэтага твора: Да сваіх думак (Скажыце мне, думкі…).

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




K swajim dumkam.

Skażycie mnie, dumki,
Hora wiesiałuški,
Čaho wy prycichli,
Jak u wosień ptuški?

Čaho wy prycichli,
Čaho pryniamieli?
Ci wy sa mnoj smutnym
Ščaściejka nia mieli?

Ci was, biednych, ludzi
Miła nie witali?
I wašuju radaść
Złościaj aplewali?

Ci was majo serce
Adčuci nia ŭmieło?
Ci was maja dola
Skryŭdzici paśmieła?

Ej wy, maje dumki,
Ŭstańcie, ačuniajcie!
Choć wam mo i ciażka,
Jak kaliś zajhrajcie!

Nia słuchajcie złydniaŭ
Kazki świeta ŭrażaj, —
Słuchajcie, što serce,
Što duša wam skaże!

Jak zwon huślaŭ zwonkich,
Jak aroł na skale,
Hołas was swabodny,
Hołas waš jak s stali.

Dyk i hrajcie-ż, dumki,
Z wieraju ščaśliwa,
Źmiennym ludziam, świetu
Na ŭzhardaść, na dziwa!