Krywičanin (1918)/Usiaho pa kaliwu/Hiedyminaŭski woŭk

Hiedyminaŭski woŭk
Гістарычная праца
Аўтар: Вацлаў Ластоўскі
Кастрычнік 1918 году

Прапануем да спампаваньня!

Usiaho pa kàliwu.

Lehienda apawiedaje, što zasnawańnie abaronnaho zamku na Turawaj hare ŭ Wilni, stałosia s pryčyny praročaho snu, jaki mieŭ Hiedymin na hetaj hare, stojačaj na pahraničy świežapadbitych biełaruskich ziamiel.

Sniŭsia jamu zakawany ŭ zialezo woŭk. Woŭk ryčeŭ tak hołasna, što ryku jaho ulakłosia śmiełaje serce zawajewaciela Biełarusi. Kniažy waražbit Lizdejko praročyŭ uwieś son na dobraje; tolki abawiazywaŭ kniazia zasnawać na hetaj hare abaronny zamak.

Hetkaje tłumačeńnie snu čynić čeść kniažamu waražbitu, jaki, jak z hetaho miarkawać možna, razumieŭsia niazhorej na palitycy i tahočasnaj stratehicy, bo kab utrymać padbityje biełaruskije prawincii ŭ swaich rukach, Hiedyminu, saŭsim słušna, treba było dzoeržaŭny bastijon wysunuć napierad i ŭčynić jaho złučajučym źwianom miž dwuma narodami.

U hetym zdareńni lehienda u paetyčnuju formu prybrała istotnyje palityčnyje zadačy i mety arhanizatara Litoŭskaj dzieržawy.

A kali zadačy byli ŭžo zrealizawany, zmiest lehiendy pierastaŭ być wažnym, to zastałasia małazrazumiełaja patomnym wiekam, ale ůsio-ž taki, symwoličnaja lehienda.

Pastarajemsia razhadać jaje symwoličnyje asnowy.

Symwolična tut postać woŭka. Letapisiec pad 1130 hodam kaže:

«…! wilnianie ŭlali sabie s Carhoradu kníazia połackaho Roscisława Rohwałodawiča dziaciej: Dowiła kniazia dy brata jaho Moŭkałda kniazia. I toj na Wilni pleršy kniaź Dowlł, brat Maůkałdoŭ bolšy. A dzieci jaho: — Wid katoraho ludzi woŭkam zwali dy Erden kulaź…»

Znače Wilnia ŭžo da Hiedymina słyła woůčym hniazdom, — wotčynaj kniazia-woůka, zakawanaho ŭ stal, znače aružnaho i hroznaho.

I mimawoli nasuwajecca pytańnie: što spakojny son Hiedymina trywožyŭ nia źwier-woŭk, a mistyčnaja asoba kniazia Wida, jak symwoł pajaremlinaj im biełaruskaj prawincii.