Вянок (1927)/У зачарованым царстве/Над возерам

← Возера

Над возерам Верш Аўтар: Максім Багдановіч 1927 год

Вадзянік →

Іншыя публікацыі гэтага твора: Над возерам (Багдановіч).

Прапануем да спампаваньня!

НАД ВОЗЕРАМ.

Сонца ціха скацілася з горкі;
Месяц белы заплаканы сьвеціць,
Аглядае бахматыя зоркі,
Цягне з возера срэбныя сеці.

Ў іх русалкі заблуталі косы, —
Рвуць і блутаюць срэбныя ніці,
Ноч плыве над зямлёй, сее росы,
Ноч шапоча русалкам: „засьніце“…