Вянок (1927)/У зачарованым царстве/Бура

Бура
Верш
Аўтар: Максім Багдановіч
1927 год

Іншыя публікацыі гэтага твора: Бура (Багдановіч).

Прапануем да спампаваньня!

БУРА.

Панурая, вялізная жывёла
Па шыры неба ўдаль марудна праплывае.
Ўсё сьціхла. Але вось паветра расьсякае
Агністы меч і зіхаціць вясёла.

Ударыў ён — і грукат пракаціўся;
Мігае грозны меч, удары не змаўкаюць,
І ўніз халодныя бічы крыві сьцякаюць,
А людзі кажуць: „гэта дождж праліўся“.