Вянок (1927)/У зачарованым царстве/Ў небе — ля хмары грымотнай…

∗ Ў небе — ля хмары грымотнай…
Верш
Аўтар: Максім Багдановіч
1927 год

Іншыя публікацыі гэтага твора: У небе — ля хмары грымотнай — празрыстая, лёгкая хмара…

Прапануем да спампаваньня!

∗
∗ ∗

Ў небе — ля хмары грымотнай — празрыстая,
лёгкая хмара
Шпарка плыла, і абедзьве чагось чырванелі ад
жару.
Зьліцца жадалі яны — зрабіліся-б хмарай магутнай,
Але далёка іх вецер разьнес, наляцеўшы нячутна.

Дробным дажджом над зямлёй, як сьлязамі, адна
пралілася;
Гулкім раскатам грымотаў другая ў адказ азвалася.
І паасобку загінулі хмары бяздольныя тыя,
Чуючы ў небе, як вецер над сьмерцю іх радасна
вые.