Вянок (1927)/Думы/Ня блішчыць у час зьмярканьня…

← ∗ Ўстань, навальніца…

∗ Ня блішчыць у час зьмярканьня… Верш Аўтар: Максім Багдановіч 1927 год

∗ Напілося сонца са крыніц сьцюдзёных… →

Іншыя публікацыі гэтага твора: Не блішчыць у час зьмярканьня і ў глыбокай цемні ночы…

Прапануем да спампаваньня!

∗
∗        ∗

Ня блішчыць у час зьмярканьня і ў глыбокай
цемні ночы
Дыямэнт каштоўны,
Але белым днём красою нам чаруе, вабіць вочы
Бліск яго цудоўны.

Бо калі на гэты камень упадуць праменьні сонца,
Ўраз ён блісьне дзіўна
І вясёлкавыя іскры рассыпаць пачне бясконца
Ярка, пераліўна.

Так здаецца ў змроку ночы цёмным і народ мой
родны,
Бедны і няшчасны;
Але,якустанесонца,ўразпрачнеццадухнародны,
І засьвеціць ясна!