Вянок (1927)/Вольныя думы/Шмат у нашым жыцьці ёсьць дарог…

∗ Шмат у нашым жыцьці ёсьць дарог…
Верш
Аўтар: Максім Багдановіч
1927 год

Іншыя публікацыі гэтага твора: Шмат у нашым жыцьці ёсьць дарог…

Прапануем да спампаваньня!

∗
∗ ∗

Шмат у нашым жыцьці ёсьць дарог,
А вядуць яны ўсе да магілы.
І бяз ясных надзей, бяз трывог,
Загубіўшы апошнія сілы,
Мы сайдзёмся, спаткаемся там
І спытаем сябе: для чаго мы
Па далёкіх і розных пуцях
Адзінока йшлі ў край невядомы?
І чаму пасьпяшаліся так,
Напружаючы ўсе свае сілы,
Калі ціха паўзучы чарвяк
Ўсё-ж дагнаў нас ля самай магілы?