Вянок (1927)/Вольныя думы/Была калісь пара…

← ∗ Мы доўга плылі ў бурным моры…

∗ Была калісь пара… Верш Аўтар: Максім Багдановіч 1927 год

Мне сьнілася →

Іншыя публікацыі гэтага твора: Была калісь пара: гучэла завіруха…

Прапануем да спампаваньня!

∗
∗        ∗

Была калісь пара: гучэла завіруха
І замяла маей мінуўшчыны сьляды.
Усьціхла ўжо яна… Плывуць удаль гады,
А ўсё ня б’юцца крыльлі духа:
Куды цяпер ісьці? Куды?

Ў душы гарыць агонь нуды — пануры, чорны.
Ці мне крыніцай сьлёз сваіх яго заліць
І плугам цяжкага мучэньня сэрца ўзрыць?
Мо’ ўзойдуць там надзеі зёрны!..
Куды-ж ісьці і што рабіць?