Вянок (1914)/У зачараваным царстві/Перад паводкай

← Зімой

Перад паводкай Верш Аўтар: Максім Багдановіч 1914 год

⁂ Падыймі у гару сваё вока →

Іншыя публікацыі гэтага твора: Перад паводкай.

Прапануем да спампаваньня!

ПЕРАД ПАВОДКАЙ.

Праясьняецца пагода,
Бо вярнулася весна.
Ўсё чакаеш, што прырода,
Ўстрэпянецца ада сна.

І пад птушчы крык і гоман,
Даўшы хвалям вольны ход,
Прыпадыйме бацька Нёман
На хрыбце магутным лёд.

Зазьвіняць жалобна крыгі,
І бурлівая вада
Сьнег, размоклы ў час адлігі,
Змые з луга без сьледа.

Дык разлійся-жэ раздольна
Ў чыстым полі і гаю,
І красой паводкі вольнай
Душу выпрастай маю!