Вянок (1914)/У зачараваным царстві/Бура

Бура
Верш
Аўтар: Максім Багдановіч
1914 год

Іншыя публікацыі гэтага твора: Бура (Багдановіч).

Прапануем да спампаваньня!

БУРА.

Панурая, вялізная жывёла
Па шыры неба ў даль марудна праплывае.
Ўсё сціхла. Але вось паветрэ разсекае
Агністы меч і зіхаціць вясёла.

Ударыў ён — і грукат пракаціўся;
Мігае грозны меч, удары не змаўкаюць,
І ў ніз халодные бічы крыві сьцекаюць,
А людзі кажуць: гэта дождж праліўся.