Вянок (1914)/Место/Завіруха

← ⁂ На глухіх вулках—ноч глухая…

Завіруха Верш Аўтар: Максім Багдановіч 1914 год

⁂ Сеў хлопчык с шкляначкай… →

Іншыя публікацыі гэтага твора: Завіруха (Багдановіч).

Прапануем да спампаваньня!

ЗАВІРУХА.

У бубны дахаў вецер бье,
Грыміць па ім, зьвініць, пяе,
І спеў ліецца ўсё мацней, —
Гулянку справіў пан Падвей.
У бубны дахаў вецер бье,
Грыміць па ім, зьвініць, пяе,
Ўскіпела сьнежнае віно
І белай пенай мкне яно.
У бубны дахаў вецер бье,
Грыміць па ім, зьвініць, пяе.
Па вулках вее дзікі хмель,
Гудзіць спьянелая мяцель.
У бубны дахаў вецер бье,
Грыміць па ім, зьвініць, пяе.