Вянок (1914)/Думы/Мудрай прамовы…

З пляцоўкі Вікікрыніцы
⁂ Жывеш ня вечна, чэлавек… ⁂ Мудрай прамовы…
Верш
Аўтар: Максім Багдановіч
1914 год
⁂ Дзе вы лясоў, палёў цьвяты?
Іншыя публікацыі гэтага твора: Мудрай прамовы…

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




* * *

Мудрай прамовы
Мёд залацісты,
Поўные соты
Мне да спадобы;

Але ня меней
Сэрцу панадны
Мёд сваім хмелем
Сьветлым і тонкім.