Водгульле (1922)/Сябру

← Неба

Сябру Верш Аўтар: Якуб Колас 1922 год

Родныя малюнкі →

Іншыя публікацыі гэтага твора: Сябру (Колас).

Прапануем да спампаваньня!

СЯБРУ.

Эх, як бедна у нас!
Эх, вялікая глуш!
Брат! Працуй, не чакай,
Цьму людзкую ты зруш!

Восень, доўгая ноч
Над народам вісіць!
З кожнай хаты нуда,
Недастача глядзіць:

З кожнай грудзі людзкой
Хоча вырвацца крык,
Енк балючай душы
Бедакоў-гарамык.

Вочы, поўныя дум,
Ўдол маўкліва глядзяць,
Іх надзеі там ўсе
Ўжо спрадвеку ляжаць.

Раскатурхай народ,
Сьвет яму разьвяжы
І за долю яго
Працу ўсю прылажы!

8/IX 1909 г.