Водгульле (1922)/Надрывайся і шумі

← Вецер

Надрывайся і шумі Верш Аўтар: Якуб Колас 1922 год

На ніве →

Іншыя публікацыі гэтага твора: Надрывайся і шумі…

Прапануем да спампаваньня!

* * *

Надрывайся і шумі,
Вецер-сівер, ў полі!..
Як сярдзіта ты ні дзьмі,
Ні гуляй на волі;

Як дарог ні замятай
І малых трапінак,
Як ты злосна ні сьпявай
Мужыку ў камінак,—
Усё-ж ты сьціхнеш і цяплом
Скора ты павееш
І з ракітавым кустом
Міла задурэеш.

²⁹/I 1910 г.