Ветры буйныя (1927)/IV/Ты ўжо сказала мне на ростань…

← Рондо

⁂ (Ты ўжо сказала мне на ростань…) Верш Аўтар: Паўлюк Трус 1927 год

Ня шумеце ў полі →

Прапануем да спампаваньня!

∗
∗     ∗

Ты ўжо сказала мне на ростань,
Як мы стаялі ля крыніцы:
— Ня буду плакаць і журыцца, —
Ты ўжо сказала мне на ростань.

— Не адцьвітуць ў душы зарніцы,
Хоць разьвітаемся папросту!.. —
Ты ўжо сказала мне на ростань,
Як мы стаялі ля крыніцы.

1925.