Ветры буйныя (1927)/I/Жыцьцё — глыбінь!..

← Веюць ветры

⁂ (Жыцьцё — глыбінь!..) Верш Аўтар: Паўлюк Трус 1927 год

Ой, ня яснага сокала крыльле →

Прапануем да спампаваньня!

Супроць цячэньня вады
Зможа толькі жывое паплыць.М. Багдановіч.

∗
∗     ∗

Жыцьцё — глыбінь!
На глыбіні
Ты бачыш
Цёмны свой адбітак,
Зялёнай цінаю
Пакрыты;
Яго нясуць
У бурах дні!..
Нясуць…
І крышаць на кускі;
І точаць гніль,
Як хвалі мора…
Цалуюць вобраз
Твой з дакорам
У ветрах
Буйныя пяскі…
.......
Цалуйце-ж, хвалі,
Дно і гніль,
Крышэце ў бурах
Няжывое!..
Яго разьвеюць
Заўтра дні
Шырока-пеністым
Прыбоем!..

10-V—26 г.