Веснапесьні (1929)/Часамі ў душы маёй дзіўнай мэлёдыяй…

← ⁂ (Сіняе, сіняе неба…)

⁂ (Часамі ў душы маёй дзіўнай мэлёдыяй…) Верш Аўтар: Хведар Ільяшэвіч 1929 год

⁂ (Над сінімі сьнягамі…) →

Іншыя публікацыі гэтага твора: Часамі ў душы маёй дзіўнай мэлёдыяй…

Прапануем да спампаваньня!

∗
∗               ∗

Часамі ў душы маёй дзіўнай мэлёдыяй
Пышныя краскі цьвітуць…
Гэта час, калі ціхія-сумныя,
Свой адвечны праходзячы пуць
Зоры ў прасторную муць,
Таюць… плывуць…
Гэта час, калі журбою хворы я,
Калі сэрца так соладка тае
І, хапаючы згукі сусьветныя,
Чалавецтва усё абыймае…
І, як вечара фарбы ў маі,
Тае… тае…

1927 г.