Веснапесьні (1929)/Песьні, мае краскі…

← ⁂ (У сшытку старым знайшоў я…)

⁂ (Песьні, мае краскі…) Верш Аўтар: Хведар Ільяшэвіч 1929 год

⁂ (Учора сонца лашчылась…) →

Іншыя публікацыі гэтага твора: Песьні, мае краскі…

Прапануем да спампаваньня!

∗
∗               ∗

Песьні, мае краскі,
Холадна вам тут…
Хочаце вы ласкі,
А ня гэтых пут…
Пачакайце трошкі —
Расцьвіце наш сад,
Калі людзі вёскі
Выйдуць з сваіх хат…
Гляне сонца з хмараў
Бурнае вясны —
О тады пажарам
Загарыцесь вы…

1928 г.