Беларусі ордэнаноснай (1937)/Сосны

← Сонцу

Сосны Верш Аўтар: Янка Купала 1937 год

Улетку →

Іншыя публікацыі гэтага твора: Сосны (Купала).

Прапануем да спампаваньня!

СОСНЫ

Сосны выносныя,
Гордыя сосны!
Шмат вы ўжо носіце
Сонечных вёснаў.

Вас, супакойныя,
Вецер калыша,
Думкі ўзнімаеце
Шумам і цішай.

*

Тыя-ж на поўначы —
З вёснаў да вёснаў —
У сцюжнай Карэліі
Высяцца сосны.

Тыя-ж на поўдзені,
Над цёплым морам,
Сосны ахуталі
Крымскія горы.

*

Сосны далёкія,
Блізкія сосны,
Сэрцу вы любыя
З вёснаў да вёснаў.

Вас адзінакава
Вецер калыша,
Думкі ўзнімаеце
Шумам і цішай.

Ляўкі. Аршаншчына.
Чэрвень 1935.