Беларускі працэс у Латвіі (1926)/2
| ← Беларускі працэс у Латвіі | Першы дзень Публіцыстыка Аўтар: Кастусь Езавітаў 1926 год |
Абвінавачывальны акт → |
Прапануем да спампаваньня!
Першы дзень.
Задоўга да пачатку судовага паседжаньня, па яшчэ пустым вуліцам прыводзюць пад канвоем з турмы былога Дырэктара Люцынскае беларускае гімназіі, гр. К. Б. Езавітава, які прасядзеў да суду ў вастрозе больш за 10 месяцаў.
Каля 9 гадзін пачынаюць зьбірацца сьведкі і публіка.
У 10 гадзін падсудныя займаюць мейсцы на лаве абвінавачаных.
Першым прыводзюць гр. К. Езавітава, затым прыходзіць рэшта 7 абвінавачаных, што былі на воле над закладам:
вучыцель Дзьвінскае беларускае гімназіі Валадзімер Корці,
заступнік Дырэктара Люцынскае беларускае гімназіі — Валадзімер Пігулеўскі,
былы Дырэктар Дзьвінскае беларускае гімназіі — Ян Краскоўскі,
вучыцель Дзьвінскае гімназіі і пачатковае школы — Андрэй Якубецкі,
вучыцелька тэй-жа гімназіі — Паўліна Мядзёлка-Грыб,
вучыцель тэй-жа гімназіі — Парфіры Жэрдзі,
і вучыцель сьпеваў Люцынскае беларускае гімназіі — Міхал Іваноў.
У 10 гадзін з хвілінамі ўваходзе Суд і паседжаньне пачынаецца. Суд зложаны з трох судзьдзяў і Старшыні Латгальскага Вакружнага Суду, гр. Зільберга. За пракурорскім пюпітрам — Таварыш Пракурора гр. Лукін.
Перад лавай абвінавачаных сядзяць 5 абаронцаў; сярод іх буйнейшыя адвакацкія сілы ў Латвіі: гр. Гольцман, гр. Шмідт і гр. Будоўскі.
Пасьля апросу абвінавачаных і спаўненьня іншых фармальнасьцяў, агалошываецца абвінавачальны акт.