Безназоўнае (1925)/Безназоўнае/1

← З Новым Годам

1. Спачатку яно шалясьцела… Верш Аўтар: Янка Купала 1925 год

2. Масты старыя спалены… →

Прапануем да спампаваньня!

БЕЗНАЗОЎНАЕ

1

Спачатку яно шалясьцела,
Вельмі нясьмела,
А потым лізнула ваконца
Ціха, як сонца.

Назаўтра ўзьняло галасочак,
Нібы званочак,
Ды ў час празьвінела так далей
Збуджанай хваляй.

На трэці дзень чуцен быў гоман,
Хоць і надломан,
Але ўжо больш вольны, дасьціпны,
К сэрцу прыліпны.

А далей яно зашумела
Надта ўжо сьмела,
Аж водгульле ў сьветы пабегла
Здольна, разьлегла.

Па пушчах пайшло бураломам —
Дома, за домам.
Бунтарскае грымнула слова
Аж ад аковаў.
Скаваная сіла паўстала
Бурай, навалай…
Надзелі чырвоныя кветкі
Нашы палеткі.

Во, як пачалося ў нас ціха
Тое ўсё ліха,
Што на‘т беларускія межы
Ўсталі з залежы.