Барвенак (1924)/Чары каханьня/У зорную ноч

У зорную ноч
Верш
Аўтар: Алесь Гурло
1924 год

Іншыя публікацыі гэтага твора: У зорную ноч.

Прапануем да спампаваньня!

У ЗОРНУЮ НОЧ.

Загарэлісь, зьяюць зоры,
Заплятаюцца ў вянкі,
Засьцілаюць высь прастору
Залатыя аганькі…

Сны снуюць са сьветлай сіні,
Сочаць з высі за зямлёй;
Сны салодкія дзяўчыне
Сьняцца гэткаю парой…

Маладзіцца месяц марай,
Мне салодзіць мары ён,
Многа жычыць шчасьця чараў…
Мае вочы гоняць сон…