Барвенак (1924)/Хараство прыроды/Досьвітак

← Уночы

Досьвітак Верш Аўтар: Алесь Гурло 1924 год

Я вокны насьцеж адчыню →

Іншыя публікацыі гэтага твора: Досьвітак (Ціша спуджана нямая…).

Прапануем да спампаваньня!

ДОСЬВІТАК.

Ціша спуджана нямая
Сьпевам пявуна,
І вятрочкам ціхім мая
Кранена струна.

Ціха дрэвы зашумелі
Лісьцямі ў саду,
Птушкі весела запелі,
Дзесь чуваць дуду.

Гляне, гляне з неба скора
Сонца ясны твар,
З пазаранкам ўсе прасторы
Апяе дудар.

Ўзбудзіць ён санлівасьць вёскі,
Ўзбудзіць ён палі,
Што пакрылісь срэбнай роскай…
Праца на ралі

Закіпіць жыцьцёвым варам…
Лес, высокі бор
Панясуць свой гук абшарам,
Панясуць ў прастор…

1923 г.