Барвенак (1924)/Хараство прыроды/Васеньні настрой

Васеньні настрой
Верш
Аўтар: Алесь Гурло
1924 год

Іншыя публікацыі гэтага твора: Асеньні настрой (Гурло).

Прапануем да спампаваньня!

ВАСЕНЬНІ НАСТРОЙ.

Дзень васеньні, сумны, хмуры…
Стогне вецер, плача бура,
Як-бы сьвет — адны хаўтуры,
Ці жыцьцё яго бядача…

Вецер сьвішча і скавыча —
Непатрэбны нейкі звычай;
Як-бы плача альбо хныча,
Як сапсована жалейка.

Ўсё марнее ці апала,
Хмара неба азаслала,
Сьвяціць сонца ўжо ня стала,
А прыродзе сонца трэба!..

1922 г.